Message of Ms. Grace Sescon Management Coordinator, ELAC agandang umaga po sa ating lahat. Nitong July ay isinabuhay nating muli ang “Save Palawan Movement (SPM)” dahil sa maraming banta sa Palawan. Kapag nag-attend ako ng Conference sa Manila ang problema nila ay pagmimina, plantasyon, at pangangamkam ng lupa, na mayroon tayong lahat nito. Tayo ay may “Waste to Energy” na problema ngayon sa syudad at ang mga infrastructure na sinabi ni Atty. Chan. Ang mga daan papunta sa mga kabundukan, ang mga pagtatabas ng mga lupain sa kabundukan at ang enerhiya (Coal Fire Power Plant) na hanggang ngayon ay isinusulong pa rin nila. Ang lahat ng ito ay dahilan ng hindi makatarungan na pamamahala ay kasama sa mga manipestasyon kagaya ng pag-pasa ng Charter Change ni Gloria Aroyo na marami sa probisyon ay mapanganib sa ating mga Katutubo at sa ating mga kalikasan. Ang Management Plan na magbubukas ng daan para ma-pasok sa kalob-looban ng ating mga lupain dahil sa mga kalsada. At ang most pressing issue ay ang paghahati-hati ng Palawan na gagawin tatlong probinsya ang Palawan at isang s‟yudad na independent. Ang dahilan nila ay masyadong malaki ang Palawan at hindi nakakarating ang mga serbisyo sa inyo. Kung mayroong Kapitolyo na sa inyong lugar sa palagay n‟yo ba ay makakarating na ang mga serbisyo sa inyo? Hindi naman dapat sila talaga ang nagbibigay ng serbisyo sa inyo kundi ang Munisipyo at ang Barangay. Na dapat ayon sa ang LGU Code ay pinalalakas para maibigay sa atin ang mga serbisyo-publiko. Ang tutol natin dito sa paghahati ng Palawan ay dahil: 1) walang totoong konsultasyon. Ang sinabi nila ay nagpatawag sila ng mga Mayor at Vice Mayor na sinasabing sila ang representante ng mga tao pero hindi naman nagtanong sa atin ang Mayor at Vice Mayor kung gusto ba natin ito. Ang Palawan ay isang Island Ecology. Buo dapat itong i-manage at isang pagmamaneho lamang. Bukod sa lahat dapat ito ay sustainable development ng mga likas-yaman ng buong Palawan. 2) Ang paglobo ng burokrasya o pag-dami ng tao. Ilang tao ang dapat paswelduhin? Ilang Governor? Ilang Vice Governor? Ilang Mayor? Vice Mayor? NATRIPAL Gen. Assembly and Launching of IPHRO, Dec. 12-14, 2018 Page [33]