Salaysay ni Bb. Elma Reyes
Elma Reyes, 32 gulang, taga Sitio Adungo, Brgy. Villa Norte, nagtitinda ng
gulay at asawa ng mangingisda.
(Ang Salaysay ni Bb. Elma Reyes ay kinuha ni Bb. Anna Abad noong
bandang Agosto 2014 sa Alabat, Quezon at siya ay muling ininterbyu para
makumpirma ang kanyang mga kasagutan ni Atty. Zelda DT. Soriano noong
bandang Marso 2015 sa loob ng opisina ng Greenpeace Southeast Asia –
Philippines, JGS Building, 30 Scout Tuazon Street, Brgy. Laging Handa, Quezon
City.)
Q1: Ano ang nakita nyong pagbabago sa klima mula noong bata
kayo kumpara sa ngayon?
A1: Noong ako ay bata pa at ang mga magulang ko nangingisda pa, ang
lalaki ng mga huling isda. Noong ako ay nag-asawa na at ‘yung
asawa ko ay nangisda na din, maliliit na ang isdang nahuhuli at
malayo pa ang nilalaotan. Noon ay konting oras lang sa dagat, may
sapat ng huli ng isda para ibenta sa Alabat. Ngayon ay kelangan pa
ng walong oras hangang labindalawang oras kung mahina ang huli
ng isda.
Q2: Ang huli nyo noon at ngayon ay pareho lang? Nawala ba iyong
ibang klase ng isda?
A2: Madalang na hindi tulad noon na sa sampung mangingisda ay lahat
sila nakakahuli ng malalaking isda pero ngayon ay sa sampu, isa lang
ang nakakahuli sa loob ng isang buwan na pangingisda.
Q3: Sinabi nyo na nagbebenta kayo ng gulay, may napansin ba kayo
na pagbabago sa pag-ani ng gulay?
A3: Noon na hindi pa ganito ang init ng panahon ay magaganda ang
gulay. Mas madaling yumabong. Sa ngayon ay ang sitaw ang
nilalako ko, ‘pag ganito ang panahon ay maliit at payat.
Q4: Magkano ang kinikita mo sa pagbenta ng gulay noon kumpara
sa ngayon?
A4: Noon ay kahit madaming gulay ay kumikita ako ng 200, pero ngayon
ay ang 100 ay pahirapan pa dahil masama na ang klase dahil sa init.
Q5: Kelan iyon noong kumikita kayo ng 200?
A5: Mga apat na taon na ang nakakaraan.
Q6: Noong nagsimulang mangisda ang mister nyo, magkano ang kita
nya noon kumpara sa ngayon?