3
Q9: Bago humagupit ang bagyong Sendong, anong impormasyon, kung
mayroon man, ang inyong natanggap?
A9: Nabalitaan namin na may paparating na bagyo, pero hindi naman
napaintindi sa amin o hindi namin inakala na malakas pala iyon at
makakapinsala. Sanay na kami na kapag may bagyo, ulan lang ang
epekto nito. Bumaha lang talaga kasi umuulan ng matagal, mula araw
hanggang gabi. Sa pagkakatanda ko tuloy-tuloy ang ulan na dala ng
Sendong. Malakas ang hagupit ng hangin kaya maraming malalaking
torso galing sa bukid ang naanod. Sabi nga nila may pitong buhawi
daw ang dala ng Sendong.
Q10: Nasabi mong naanod ang bahay niyo na maaaring kasama ang
iyong mga magulang at kapatid. Saan kayo tumuloy ng mga
kapatid mo sa mga oras na iyon?
A10: Sa simbahan po kami nakituloy. Doon na rin kami nag-pasko at nagbagong taon. Dahil naulila na po kami noon, pagkatapos sa simbahan,
palipat-lipat na kami ng bahay.
Una, nakitira kami sa nirentahang bahay ng tito ko. Isinama kami ng
mga kapatid kong maliliit. Pagkatapos, nakitira kami ulit sa bahay ng
isa pa naming tito. Tapos, doon na po sa Tent City kung tawagin. Pangapat, nag-rent kami ng isang boarding house. Panglima, nag-rent ulit
ng bahay sa Amakan. Tapos, doon na po sa isang boarding house ulit.
Ganoon po ang naging buhay namin. Walang permanenteng tirahan.
Q11: Saan kayo nakakuha ng pera para may pang-upa sa bahay?
A11: Nagtatrabaho ako noon sa Jollibee iyon ang pamabayad ko sa upa ng
bahay.
Q12: Noong mga panahon na iyon, mga labing-walong taong gulang ka
pa lang, sino ang sumuporta at gumagabay sayo at mga kapatid
mong menor de edad?
A12: Iyong isang kapatid ng papa ko paminsan-minsan binibigyan niya kami
ng pera. Pero kami lang talagang tatlo ang palaging magkasama sa
iisang bahay.
Q13: Paano ang pagkain at mga pangangailangan ninyo?
A13: Noong sa Tent City pa kami, iyong mga donasyong bigas at pagkain o
pera ang ginagamit namin sa pang araw-araw na pagkain. At noong
nakapagtrabaho na ako, ang suweldo ko ang ginamit ko pambili ng
pagkain namin at kung hindi po kasya ay uutang ako.
Q14: May mga tulong ba kayong natanggap?
A14: May mga relief goods na natatanggap noong nasa Tent City kami. May
natanggap din kaming donasyon na PhP 50,000.00 galing sa kompanya
na pinagtatrabahuan ng kuya ko. Sinasabi nilang i-deposit ko sa bangko
pero hindi ko ginawa kasi ginastos na lang namin sa pang-araw-araw
na pangangailangan namin. Binili ko ng mga damit ng mga kapatid ko
at pinalaro ko roon sa pinaglalaruan ng mga bata sa mall. Gusto ko