2
Nagtatawanan at nagbibiruan pa nga kami. Hindi ko aakalaing iyon na
pala ang huling tawa na maririnig at makikita ko sa bahay namin.
Q5: Ano ang nangyari noong mismong humagupit ang bagyong
Sendong?
A5: Noong alas-diyes ng gabi, nagsimula nang umapaw ang baha sa bahay
namin. Ginising ako ng mga kuya ko para magligpit ng mga gamit.
Noong tumataas ang baha, naisipan naming pansamantalang lumipat sa
mataas na bahay. Kami munang mga bata ang nailipat ng kuya ko
kasama ang dalawang minor na kapatid ko. Lahat sila below 10 years
old sa mga panahong iyon. Dapat kasi batch-by-batch ang paglipat
namin kasi lahat po PWD2 at senior ang mga magulang ko. Tanging
dalawang kuya ko ang nag-a-assist lang.
Paglabas namin ng bahay, hanggang paa pa ang tubig. Habang
naglalakad kami, unti-unting umaakyat ang tubig sa tuhod hanggang sa
dibdib. Ganoon talaga kabilis ang pagbagsak ng tubig-baha.
Bandang 1:00 na ng hating-gabi, nagsimula na ang napakalakas na ulan
at mataas na baha. Sobrang malakas na ang agos. Kung i-estimate ko,
lagpas 2nd floor ng bahay namin. Kinumusta kami ng Kuya ko sa
kapitbahay naming kung saan kasama rin naming nag-transfer doon sa
bahay. Noong umaakyat na ang baha, hindi ko na maiwasang
mangumusta sa kanila. Pinakumusta ko sila sa kapitbahay ko kaso hindi
sila nagre-reply. Nagtataka ako paano nila naiakyat ang mga magulang
ko kasi nga lahat po sila may kapansanan. Doon na sila nasama sa baha.
Q6: Paano sila nasama sa baha?
A6: May nakapagsabi sa amin na naisama sa baha ang bahay namin simula
noong tamaan ito ng malalaking troso galing sa bundok. Siguro iyon
ang rason na naanod sa tubig ang pamilya ko. Maaari ring tinamaan
sila mismo ng troso habang naaanod sa tubig.
Q7: Noong umaga pagkatapos ng insidenteng iyon, ano ang nangyari sa
inyo ng mga kapatid mo?
A7: Pagkaumaga, naglabasan na kami ng bahay kung saan kami tumuloy ng
mga kapatid kong maliliit. May mga nadadaanan kaming mga bangkay.
Hinanap ko mga magulang ko at mga kuya ko pero hindi ko sila makitakita. Nagtanong ako sa kakilalang rescuer. Pero, negative ang feedback
nila. Sabi sa amin ng kapitbahay naming na kakalabas ng ospital, siya
kunumpirma na nasama ang pamilya ko sa pagbagsak ng bahay na
pinapatungan nila
Q8: Nakita mo ba ang mga bangkay ng nawawala mong kapamilya?
A8: Wala po. Ni-isa sa katawan nila hindi namin nakita. Kabilang sila sa
maraming taong nabalitang nawawala o missing.
2
People with disability